香港集体回忆——荔园特色主题餐厅推荐

　  97年同香港人say goodbye的荔园游乐场，最近於佐敦「翻生」！其实荔园并非重开，而是开了间以它为主题的餐厅。

　　两位70 後因为见近排香港人负面情绪爆登，所以便用旧荔园作布置蓝本，将香港人的童年回忆重现。座位特别做成「叮叮车」和过山车造型，又有机动游戏「恐龙屋」、掟阶砖摊位上的「白箭」摆设。当然亦唔少得荔园象徵之一「天奴」，老板特别订造个大象摆设放在门口，成功吸引到唔少途人停低眼望望。

　　菜式虽然无装修咁爆，以中菜以言，都见心思。像啫啫牛骨髓煲，用了坊间中菜馆甚少食到的牛骨髓，同猪膶、乾葱一同爆香，牛骨髓口感爽滑，加上乾葱香味，够晒惹味。话到明是重温儿时回忆，又点少得儿童餐？食物用战机同跑车餐盘装住，虽然都是肠仔意粉、煎鸡扒呢啲普通嘢，但胜在大人、细佬都可柯打。全间餐厅最浮夸的算系甜品「天奴梦幻乐园」，用 Lego 砌成大大个乐园器皿，载住杯杂果爆谷雪糕，加上放埋乾冰，周围烟雾弥漫，又系一个影相位！

　　见到大大个小丑头，真系充满儿时回忆呀！

　　室内布置用荔园作蓝本，座位更做成「叮叮车」和过山车造型，处处都是影相位。

　　Cashier 的「白箭」摆设，是当年掟阶砖摊位的 icon。

　　怀旧嘅旋转木马，够晒怀旧味！

　　跑车儿童餐 $48

　　茄汁香肠意粉、煎鸡扒、西兰花，全是经典儿童餐配搭，大人细路都食得。

　　啫啫牛骨髓煲 $88

　　牛骨髓口感香滑，配爽嫩的猪膶，口感意想不到的夹，加上用乾葱爆香，增添了几分惹味。

　　蒜片安格斯一口牛$108

　　改用安格斯牛炒蒜片牛，口感嫩滑得多，食落蒜味浓郁，好惹味。

　　加油！ $88

　　有绿茶乳酸、百香果鲜果茶两款口味拣，一瓶已斟到 10 杯左右，抵！

　　「天奴梦幻乐园」$88

　　其实是杂果爆谷雪糕，但 presentation 超梦幻，奉上时更玩埋放烟，够晒浮夸。

　　荔苑乐园餐厅

　　地址：佐敦德兴街 7A-7B 号地下

　　电话：2377-2882

　　供应时间：星期一至日 12nn-1am

　　收费︰只收现金，不设加一

　　交通︰港铁佐敦站 E 出口

　　泊车︰宝来大厦 $12/hr