香港大澳休闲游品尝各类美食

大澳系一条水乡渔村，海味当然出名！整条街都充满咸鱼虾酱的独有味道！

行行下，行左去民居，屋与屋相距好近！

　　行行下见到有间咁有中国色彩的餐厅，连行入去的桥都弯弯曲曲咁有艺术感，大家都谂住入去休息一下！
　　在大澳众多棚屋之中，这间的装修设计可算是别具一格，颜色以黑白简约为主，细微的地方也尽显心思，好像窗框、栏杆、家具等都选用特制的木材，充满中国味道，使人留下深刻印象。

　　不过呢…当我地12条友入到去先发现，原来这间唔系餐厅，而系大澳居民黄先生的私人居所！！而这房子的设计加建筑均出自黄先生双手，佩服！黄先生好好人，唔单只无赶我地走，仲攞左佢把珍藏油纸伞出黎，叫我地攞住黎影相有feel d！

　　这时候，有位朋友突然闻下把遮，之后好认真咁讲：哗，把遮真系好有鱿鱼味，怪唔知得叫鱿鱼伞啦！！哈哈哈哈，笑到我喊出黎！

　　就系咁，我地就好唔客气地在人地屋企休息吹水影相睇风景玩，黄先生话12月大澳的日落特别靓，仲欢迎我地到时再黎佢屋企烧野食咁话！
　　坐下坐下都差唔多7点啦，又系时候食饭！
　　好似几出名的莲香酒楼

开始点菜，只系７点姐，好多海鲜已经卖晒，虾卖晒、带子卖晒…有无咁好生意！？
金银蛋浸时菜
本身我都好喜爱咸蛋皮蛋，菜都好嫩，好食！

豉椒炒圣子
圣子几大只，无沙，爽口，酱汁太杰，有点浆口！

虾酱炒通菜
未食已经闻到香味，虾酱味浓度适中，必食！

　　海鲜豆腐汤
　　汤水同汤料分开上桌，方便食汤料，汤底材料丰富，用石九公、虾、白菜、豆腐煲成奶白色，饮落去鱼味鲜甜仲带有少少姜味，很住家的感觉！

节瓜虾米粉丝煲
虾米好大只，但唔会好硬，整煲粉丝咸咸香香，不错！

虾酱蒸猪肉
较预期细碟左少少，猪肉有点肥但很香，味道偏咸，最好配白饭食！

咸蛋土鱿蒸肉饼
不过不失，都系觉得屋企的肉饼好食ｄ！

招牌菜：墨鱼饼并炸云吞
墨鱼新鲜，口感非常爽口弹牙，配自家制酱汁，不错，值得一试！
炸云吞外皮脆卜卜，内层的肉仍保持有肉汁，正！最搞笑有片菠萝在碟底！

　　豉汁蒸白蟮
　　白蟮好新鲜，因为只有生猛劏而立即蒸熟的鱼身才会缩起来或挛起来！而这条白蟮属于爽口果种，不过我自己偏好淋身嫩滑的白蟮！

沙嗲粉丝蟹煲
膏蟹很多膏，沙嗲味偏浓，洋葱同粉丝吸收晒Ｄ汁！！

　　大澳莲香酒家
　　地址: 大澳吉庆街52号地下
　　平均消费: $180